पानशेत धरण || Panshet Dam Information In Marathi

धरणाचे नाव- पानशेत धरण (Panshet Dam)

नदीचे नाव- आंबी नदी

ठिकाण- पानशेत 

जिल्हा- पुणे

Panshet Dharan Marathi Mahiti

पुणे शहराच्या दक्षिणेला असलेल्या पानशेत गावाच्या शेजारी हे धरण आहे. 1960 च्या सुमारास या धरणाचे बांधकाम पूर्ण झाले. धरणाचे बांधकाम पूर्ण झाले नव्हते आणि त्यामुळे 12 जुलै 1961 साली पानशेत धरण फुटले होते. याचा परिणाम म्हणजे पुणे शहराला पुराचा खूप मोठा फटका सहन करावा लागला होता. धरणाचे बांधकाम पुन्हा 1972 साली करण्यात आले. आंबी या नदीवर हे धरण बांधलेले आहे. दगड माती आणि काही प्रमाणात सिमेंट या गोष्टींचा वापर करून हे धरण बांधण्यात आलेले आहे. 

पानशेत धरणाची उंची 63.56 मीटर म्हणजे 208.5 फूट तर लांबी 1039 मीटर म्हणजे 3409 फूट आहे. धरणाची पाणी साठविण्याची क्षमता 10.7 टीएमसी म्हणजे 10700 दशलक्ष घनफुट इतकी आहे. पानशेत धरणाच्या पाणीसाठ्याला तानाजी सागर जलाशय असे म्हणतात. 

पानशेत धरणाला भेट द्यायला कसे पोहोचाल?

पुणे जिल्ह्याच्या पश्चिमेला पुणे शहरापासून 43 किलोमीटर अंतरावर हे पानशेत धरण आहे.